Sä´mmla ortodookslaž ceerkvest-ha´ŋǩǩõs riâšš čõhččtälvva saǥǥstõõllâmrääid – tiõrv pue´ttem saǥstõõllâd ǩiõččlâsttmõõžžin da tuõivvjin
Ceerkavhalltõs alttii ǩie´ssmannust 2026 Sä´mmla ortodookslaž ceerkvest- ha´ŋǩǩõõzz, kåå´tt peštt pue´tti kue´htt ee´jj di kåå´tt nâânad da veekk ooudâs sää´m alggmeer jie´llem Lää´ddjânnam ortodookslaž ceerkvest. Ha´ŋǩǩõ´sse vuâđđeeš vuä´pstemjoukk, ko´st ceerkav ee´ttiǩ lie pispp Sergei, Filantropia ry tåimmjåå´đteei Riina Nguyen da Lappi ceessanseä´brrkåå´dd papp, e´čč Jaakko Vainio. Saa´mi siidsååbbar ee´ttkâ´stte Jasmin Semenoff, Tinja Semenoff da Erkki Lumisalmi. Vuä´pstemjoouk vuõssmõs sååbbar lij kålggmannu looppâst.
Ǩeä´ssa Lappi ceessanseä´brrkådda pä´lǩǩees tuâjjlaž, Irene Fofonoff, ǩii reâugg sää´maaššivui´m. Son rääjj vuä´pstemjou´ǩǩe plaan Sä´mmlai tuõttvuõtt- da suåvâdvuõtt komissio Lää´ddjânnam ortodookslaž ceerkva u´vddem tåimme´tǩǩõõzzi di ceerkva kuõskki čiõlǥtõõzz ooudâsviikkâme´tǩǩõõzzi toimmupiijjmõõžžâst. Ha´ŋǩǩõõzzâst äu´ǩǩeet Lappi ceessanseä´brrkåådd tuâjjlai ä´šštobddmõõžž.
Čõhččtälvva ha´ŋǩǩõõzzâst riâžžât sä´mmlaid saaǥǥstõõllâmräidd, ko´st lij vuäittmõš ää´veed mõõnnâmääi´j ǩiõččlâsttmõõžž di mušttled ääi´jpoddsâž tuõivvjin ceerkva. Jäänmõsân saǥstõõllmõõžž riâžžât Lappi ceessanseä´brrkåådd le´be Tâvv-Lää´ddjânnam seä´brrkåådd vuu´dest leša õhtt saǥǥstõõllâmpodd ââ´net He´lssnest da õhtt ougglõsõhttvuõđin.
Mue´ddin saǥǥstõõllmõõžžin pääi´ǩ âlnn lij pâi Irene Fofonoff, jäänmõsân mie´ldd lij še seä´brrkoo´ddi paapp.
-Täävtõsân lij luõvvsõs da staani podd, ko´st oummu vuäi´tte saǥǥstõõllâd vai´ǧǧes paai´ǩin sä´mmlai da ortodookslaž ceerkav kõõskâst di mä´htt vuäitčep nââneed tän kõskkvuõđ. Lappi ceessanseä´brrkåådd vuu´dest riâššâp jåå´đtummuž taarb mie´ldd, Fofonoff mušttal.
Noorõõttmõõžžin kåå´fstõõllât da čee´estõõllât. Sää´mvuu´vd saǥstõõllmõõžžid riâžžât õhttsažtuâjast Saa´mi siidsåbbrin. Saǥstõõllâmpo´dde ij taarbâž i´lmmtõõttâd ooudbeä´ln. Tiõrv pue´ttem!
Saǥǥstõõllâmräidd riâžžât nääi´t:
31.10. Če´vetjäu´rr, pââ´ss pââ´zzteei Treeffan Peäccmõõžž ceerkav (Sevettijärventie 9065): liturgia č. 10, kåå´f da saǥǥstõõllâmpodd siid kuä´đest
4.11. Njeä´llem, ceerkav (Siikajärventie 64 A): č. 17–19
6.11. Oulu, seä´brrkå´ddpõrtt (Torikatu 74): č.18–20
9.11. ´vvel, seä´brrkå´ddpõrtt (Rantatie 22): č. 14–16
11.11. Če´vetjäu´rr, siid kue´tt: č. 17–19
18.11. Ougglõsõhttvuõđin, Teams: č. 18-20 , Puä´đ mie´ldd tä´st
29.11. Ruä´vnjarǧǧ, Petsamo-põrtt (Ounasvaarantie 16): č. 12–14
5.12. ´vvel, seä´brrkå´ddpõrtt (Rantatie 22): č. 14–17, vigilia č. 17 ceerkvest
12.12. He´lssen, Pyhän Kolminaisuuden kirkko (Unioninkatu 31): liturgia č. 10, kåå´f da saǥǥstõõllâmpodd (i´lmmtep pääi´ǩ mâ´ŋŋlest)
13.12. Njeä´llem, ceerkav (Siikajärventie 64 A): liturgia č. 10, kåå´f da saǥǥstõõllâmpodd
Lââ´ssteâđ:
Iirâšǩ Fofonoff
irene.fofonoff@ort.fi
Te´l. 0400 176 997
da
e´čč Jääkk Vainio
jaakko.vainio@ort.fi
Te´l. 0400 178 744
Array