Lappi ortodookslaž sieʹbrrkåʹdd kääzzkâstt tââʹvmõs Lääʹddjânnam ortodooksid. Sieʹbrrkååʹdd vuʹvdd lij kuälmõs obb jânnam vuʹvddšorrâdvuõđâst.
Sieʹbrrkååʹdd jiiʹjjesnallšemvuõtt lij nuõrttsäʹmmlaž narod. Sij lie leämma ortodooks 1500-lååǥǥast pââʹzzteei Treeffan Peäʹccamneeʹǩǩ ääiʹjest ooudâs.
Sluuʹžvin ââʹnet še nuõrttsääʹmǩiõl
Sieʹbrrkååʹddest lie nuõrttsäämas vuäǯǯamnalla moʹlidvaǩeʹrjj da Evvan evaŋǧeʹlium. Nuõrttsääʹmǩiõllsiltteei ortodooksla prizoovneeʹǩǩ vuäǯǯa armeeʹjest sääʹmǩiõllsaž sääldat psalmmǩeeʹrj.
Sääʹm radiost lie mieʹrrkõõski ortodookslaž sluuʹžv nuõrttsäämas.
Lääʹddjânnam ortodookslaž ceerkav kooll Konstantinopool ekumeenlaž patriarkaʹtte. Lappi sieʹbrrkåʹdd lij vueʹss Oulu aaʹrhelkååʹdd, koon pispp lij metropolitt Elia.
Paappi õhttvuõtt-teâđ:
eʹčč Jaakko Vainio, vuõssmõspapp
Ruäʹvnjargg
0400 178744
jaakko.vainio@ort.fi
eʹčč Rauno Pietarinen, papp
Âʹvvlest
050 3099120
rauno.pietarinen@ort.fi